رفقاً بالنسـاء ..،

سكرت النت.. وحطيت رأسي على المخدة..

كنت قبلها سامع برنامج يحكي عن اضطهااد المرأة وانها عايشة في عذاب وتحتاج حقوق مدري من أي نوووع.. ما

كنت مركز؟؟؟

كنت اقول بلا حقوق بلا خرابيط..

ووين العذاب.. المرأة مدلعه عايشة بكرامة.. مستانسة تنام على كيفها وتصحى متى ما تبي.. حتى طريق المطبخ ما

تدله..

نمت وانا اردد سحقا للمرأة.. ((غثتنا))..

صحيت من النوم.. وأخذت دش ولبست ملابسي..

مريت على أمي وسلمت على راسها.. وقلت توصين شي انا رايح للعمل..

قالت انثبر وين بترووح ما عندنا عيال يروحون للوظائف)..

وش السالفة..

قالت السالفة اجلس في البيت ساعد ابوك..

جلست عندها قالت رح صلح لي قهوة وجهز الفطووور..

وانتبه السواق يلمس أي شي من الأكل انا ما احب أكل السواقين..

ووي وش السواق وش جابه في المطبخ.. وين الشغالة...

قالت الشغالة راحت تودي العيال للمدرسة.. (يا ساتر انقلب الكون..)..

رحت للمطبخ قلت هين بكرة اتزوج وافتك منكم...

صلحت لها القهوة والفطور وجبته.. وحطيته عندهااا..

قربت بفطر معها واطردتني.. (عسل انقلع ما بقى الا هي الرجال يأكلون مع الحريم).. يالله رح للمطبخ كل مع السواق..

(انا اكل في المطبخ وربي لو ما انتي امي كان لي تصرف ثاني معك..)..

رحت للمطبخ وأفطرت.. جبت الجهاز اللاب توب عند امي وفتحته.. قالت وش بتسوي.. قلت لا بس بدخل المنتدى ..

انا جبت سيرت المنتدى.. استشاطت (حلوة استشاطت) غضبا.. رفقاً بالنسـاء ..، M07

ومسكت اللاب توب وكسرته على راسي.. (عسل تحكي مع سحالي في المنتدى.. والله لأفرشك لين تعض الأرض)..

قلت خلاص اذااا على العضة بعض الأرض من غير فرش.. ودنقت على الزولية وعضيتهاااا....

رحت لغرفتي وانا محتار مدري ووووش القصة...

جاني السواق وقال بابا يبغاك .. يقول يلبس ويتلطم بشماغه زين وينزل...

نزلت وانا داق اللطمة.. وش القصة فيه حريق... والا البلدية ما شالت الزبالة اليوم زي العادة..

قابلت ابوي وقلت وش السالفة.. قال بنروووح لولد عمك جايه مولود.. ونبارك له ونشتري هدية للمولود...

طلعت مع ابوي.. ومديت يدي للمفتاح.. قال وش بتسوي قلت بسوق فيك..

قال انقلع اركب ورى وتلطم لا يزعجونا البنات يغازلونك..

قلت ومن بيسوق انت.. قال لا الدولة لسا ما سمحت للرجال بقيادة السيارة..
الشغالة هي اللي بتسووووق... (أمحق وش ذاااااااااااااااااااااااا)..

ركبنا السيارة.. ومشينا لبيت عمي..

وقفنا عند اشارة.. وقفت جنبنا سيارة فيها ثلاث بنات.. فتحت وحدة نافذة السيارة اللي يمي.. وقالت يا وااد يا حليوه..

اموت في اللطمة.. ممكن اعطيك الرقم..

قلت يس بس ممكن تكتبيه على خمس مية ريال لأني ما عندي شغل.... اخذت الرقم على الخمس مية.. وصفقني ابوي وقطع الفلوس.....

دخلنا على ولد عمي.. لقيته نايم على فراش.. ورافع رجلينه ويون من الألم... (يووو وش ذااا في اليوم اللي يجيه ولد يصير عليه حادث..

قلت سلامات والله ما دريت عن حادثك.. انا جاي ابارك لك بالولد..

قال أي حادث انت ووجهك.. فال الله ولا فالك..

قلت طيب وش فيك تووون.. قال لا بس الولاده كانت متعسرة... (يووو على الرومانسي زوجته هي اللي تتعسر وهو اللي يتعب).. رفقاً بالنسـاء ..، M07

هو فهم تفكيري وقال لا يا غبي انا اللي ولدت... وانتبه يا عسل تتزوج.. وربي ما في الكون ألم وعذاب مثل

الولادة... أأأأأأأأأأأأأأأأأأأأأأأأأف وش ذااااا الحكي.. وحلفت ما اتزوج طول عمري....

رحت للبيت وانا محتار.. مدري وووش القصة...

طلعت لغرفتي.. وجتني أمي قالت البس فيه أم وبنتها جايين يخطبونك.. تعال يبغون يشوفونك....

قلت ليه وانا عارض ازياء اعرض عندهم.. قالت لا يا غبي هذي يسمونهااا (الشوفة الشرعية)...

نزلت مستحي.. بغيت اطيح من ثوبي الطويل.. دخلت بالعصير.. وقدمته للعروس وأمها..

العروس الحقيرة ما استحت.. اول ما شافتني قالت هلا بعمري هلا بحياتي.. (انا تجاوبت معها وبادلتها الغزل)..

امي قالت لي استح يا عسل فشلتنا.. وخليت الناس يقولون ولدنا مووو متربي...

قلت هي اللي بدت بالغزل وانا رديت عليهاا.. هي ليش ما تستحي على وجها..

قالت امي هي بنت ما يعيبها شي.. مو زيك ولد..... (ول وش ذاااا الحكي هالحين انا صار يعيبني أي شي والبنت ما فيه شي يعيبهاااا)...

المهم العروس الحقيرة قالت لي قم.. ممكن اشوف ساقك...

والله وارفع عن الساق.. قالت واوووو تجنن..

المهم انا تحمست وطلعت الركبة.. والبنت تقولو واو ثاني.. وانا اللي اتحمس واطلع الفخذ..

وهي ما فيه الا واوووو.... واووووو.. امي تدخلت ولحقت على الموووضوع قبل تطلع اشياء ثانية...

وودتني للغرفة... وهي تصارخ علي فضحتنا منك لله.. وين اودي وجهي من الحريم... ومين بيخطبك بعد السالفة اليوم...

وعطتني كف من قوة الكف طحت على وجهي... فجأة صحيت من النوم وخشتي على الأرض ورجليني على السرير...

رفعت يدي للسماء وقلت الحمد لله اشوااااا انه حلم موووووووو حقيقة.........

وووش رايكم في الحلم يجنن.....

على العموم الموضوع جدي في قالب (سخرية)..

فيه اسقاطات تحتاج مناقشة..........

الموضوع جميل جدا مشكور لكى صديقة الثلاثى انا اريدك فقط ان تهتمى بالتنسيق